Kvikmyndagerðarmaðurinn Tobias Mennle og handritshöfundurinn Frank Drygala voru við tökur á náttúrulífsmynd í vetur. Þeir náðu frábærum myndum af mórauðum refum í vetrarbúningi á Vestfjörðum. Myndin þeirra er hluti af alþjóðlegu sjónvarpsverkefni sem stýrt er af NDR Natural History unit/Germany og fjallar þessi hluti um íslenska náttúru með melrakkann í fararbroddi sem einkennisdýr landsins. 

Við fengum sendar nokkrar ljósmyndir frá Tobiasi til að setja á vefsíðuna okkar. Það er fengur að þessum myndum því afar lítið er til af mórauðum dýrum í vetrarbúningi og þessar eru alveg á heimsmælikvarða. Vielen danke Tobias !
 

Nú eru aðeins nokkrir dagar í að samkeppninni um handverk og minjagripi fyrir Melrakkasetrið ljúki.

Tillögur eru að tínast inn og má segja að þar kenni margra grasa enda íslendingar upp til hópa skapandi og hugmyndaríkir. Reyndar hafa borist tillögur frá fleiri löndum þannig að það má segja að við höfum haft á réttu að standa þegar við héldum því fram að það væri lítið sem ekkert til af gjafavöru með melrökkum og gaman að eiga þátt í að bæta úr því.

Við tökum spennt á móti póstinum á hverjum degi enda gaman að sjá hvað fólki dettur margt skemmtilegt og hagnýtt í hug.

Hvetjum svo til áframhaldandi sköpunar enda er aldrei nóg til af fallegri gjafavöru og alltaf gaman að fá eitthvað nýtt. 

munið - 10. maí!