Melrakkasetrið sendir hollvinum sínum, hlutafélögum og landsmönnum öllum, bestu óskir um Gleðileg jól og farsæld á komandi ári með þökkum fyrir samstarf og innlit á árinu sem er að líða.
Brátt munum við birta annál um starfið hér á síðunni, það var ansi viðamikið og gaman að segja frá því hvað við höfum verið að bralla þetta árið.

Hlökkum til að hefja starf í Eyrardal á ný, eftir endurbætur síðustu mánuðina.

Sjáumst á nýju ári ! 

Stjórn og starfsfólk Melrakkaseturs Íslands 

Í byrjun október var ársfundur The Wild North haldinn á Vestfjörðum. Byrjað var í Náttúrugripasafninu í Bolungarvík þar sem þátttakendur kynntu starf sinna klasa það sem af er ársins. Marianne Rasmussen frá Húsavík er „lead partner" og naut hún aðstoðar Per Ivars frá Noregi við stjórn fundarins. Ekki komust allir félagar okkar á fundinn því veðrið var slæmt og færð spilltist snögglega. Hluti hópsins kom því sínum upplýsingum og kynningum áleiðis í gegnum síma og internet. Snæddur var hádegisverður í Einarshúsi og sáu Ragna og Jón Bjarni um að verta mannskapinn, einnig færðu þeir fundargestum kaffi inn á safnið. Starfsfólk Náttúrustofu Vestfjarða sá um að allt færi vel fram á fundarstað og hlýddu á erindin.

Næsta dag var starfsfundur og var hann haldinn í Melrakkasetrinu í Súðavík. Þangað mætti ráðgjafi og helsti sérfræðingur okkar í náttúrulífs-ferðamennsku, Deborah Benham. Farið var í ársskýrslu til Nora og Nata, stefnumótunarvinnu og fleira gagnlegt. Maria Danium sá um kaffiveitingar og í hádeginu var farið á Jón Indíafara þar sem Óskar galdraði fram kræsingar. Léttar veitingar voru svo í lokin enda alltaf notalegt að fá sér drykk í Rebbakaffi. Eggert Nielsen sá um að koma mannskapnum heilu og höldnu til Ísafjarðar.  ...
Meira